Transcription
1
Monsegneur, dès long temps notre communaulté
2
de Chechilienne a esté pressé par le syre Ennemond
3
Perrot exhacteur des choses ordonnées
4
en chacun village de ce pays pour la contribution
5
du magasin erigé à Grenoble pour la gendarmerie
6
qui y est de present et que porroit survenir
7
parcy après de payer les sommes portées par
8
la cocte que monteroit vingt huict sestiers froment,
9
vingt huict sestiers avoyne, dix charges et demy de
10
vin, douze quinctz troys vingtz livres chers et
11
quarante deux quinctz foin ; que seroit chose
12impossible [barré : à ladite ] à notre dite communaulté, actendu
13
la povreté de voz povres subiectz, lesquelz
14
et plus grande partie eulx et leur famille
15
meurent de fain nayans moyen davoir bien
16
peu de substance pour soy norrir, ne leurs
17
familles, estans situés, comme trop myeulx
18scavés, en pays sterille ; actendu [barré : aussi ]
19
aussi la charté des vivres et que bien peu
20de personnes dudit lieu [barré : non ] nont moyen
21
de gaigner le liard pour nestre en lieu
22
de travailher leur povre vie. A ceste
23
cause, monsegeur, vosdits povres subiectz
24
vous supplient très humblement leur estre
25
en ayde et secours à ce quilz ne soient
26
contrainctz de fornir telles sommes, ains
27les volloir de voz bonnes graces [barré : les ] exhempter
28et favoriser comme [barré : a ] avés de vous graces faict
29
par cy devant, de quoy ilz vous sont, et
30
nous, tenuz et redevables grandement et dotant
31
quilz nont moyen vous recognoistre les biens
32
quilz ont receu de vous et de vous ancestres.
33
[208 v°] Et en ce faisant, notredite communaulté et nous
34
prieurons Dieu le Createur
35
monsegneur, vous avoir et tenir en
36
sa saincte garde et vous meintenir
37
en très bonne sancté et longue vie.
38
De votre lieu et maison de Chechilienne,
39
ce XIIIe jour de febvrier, lan 1474.
40
41
Le laquey en est
42
arrivé avec toutes
43
vous lettres, que jey faict
44
tenir incontinant,
45
mesmes à ma damoyselle
46
de Sainct Prie que vous faict responce
47
à icelles. Elle a gardé sept jours la
48
fiebvre continue despuis remise à double
49
tierce et à present à tierce, tellement
50
quon spère bien toust guerison ; et
51
me semble quelle commence à faire bonne
52
chère. Je ne fauldrey à luy communicquer
53
de tous vous biens et vous heusse
54
escript plus amplement, mais jey esté
55
pressé de vous faire tenir la presente
56
avec le pacquet de la court, mais
57
ce sera par ledit pacquet.
58
Pour vous humbles et pouvres
59
subiectz à vous obeyr et
60
servir,
61
Ph[ilipp]e Murianne chastelain dudit
62
Lieu
63
Le chastelain debvoit signer la presente, mais treuvant
64
là le moien de la vous faire tenir, je ley signé pour luy de la part
65
des consulz dudit Chechilienne votre humble serviteur jehan de brunel